21 రోజుల తరువాత జగడమే-నారా లోకేష్ వార్నింగ్

ఏపీ ముఖ్యమంత్రి వైఎస్ జగన్‌ను టీడీపీ జాతీయ ప్రధాన కార్యదర్శి నారా లోకేష్ ట్విట్టర్ వేదికగా మరోసారి టార్గెట్ చేశారు.గుంటూరు బీటెక్ విద్యార్థిని హత్య కేసు వ్యవహారంపై షాకింగ్ కామెంట్స్ చేశారు. ఈ కేసులో నిందితుడిని 21 రోజుల్లో శిక్షించాలని డిమాండ్ చేస్తోన్న లోకేష్… ప్రతి రోజూ ఆ డెడ్‌లైన్‌ను ప్రభుత్వానికి గుర్తు చేస్తున్నారు. ఒకవేళ ప్రభుత్వం 21 రోజుల తర్వాత స్పందించకపోతే మళ్లీ పోరాటం చేస్తానంటున్నారు.

‘7 రోజుల్లో ద‌ర్యాప్తు, 14 రోజుల్లో కోర్టు విచార‌ణ‌, 21 రోజుల్లో ఏకంగా ఉరిశిక్ష విధించేలా దిశ చ‌ట్టం రూపొందించామంటూ వైఎస్ జగన్ పాలాభిషేకాలు చేయించుకున్నారు. అయితే ఆ చ‌ట్టం అస‌లు కార్యరూప‌మే దాల్చలేద‌ని కేంద్రం తేల్చి చెప్పేయ‌డంతో అదో ఫేక్ సీఎం ఇస్తోన్న ఫేక్ జీవోలు. ఫేక్ హామీలు మాదిరిగానే ఫేక్ చ‌ట్టం అని అంద‌రికీ తెలిసిపోయింది. ఇప్పటికీ దిశ‌చ‌ట్టం అంటూ మాయ చేయాల‌ని చూస్తూనే వున్నారు. దిశ‌చ‌ట్టం తెచ్చామ‌ని సొంత మీడియాలో రూ.30కోట్లతో ప‌బ్లిసిటీ చేసుకున్న త‌రువాత వంద‌ల మంది ఆడ‌బిడ్డలు బ‌లైయ్యారు. ఇక 13 రోజులే మిగిలాయి దళిత యువతి రమ్య ని హత్య చేసిన ఉన్మాదిని ఎప్పుడు ఉరి తియ్యబోతున్నారు?’అంటూ లోకేష్ ట్వీట్ చేశారు.

Load More Related Articles
Load More By admin
Load More In ఆంధ్రప్రదేశ్

Leave a Reply

Your email address will not be published.