బీఎస్పీలోకి ఆర్ఎస్ ప్రవీణ్ కుమార్

స్వచ్చంద పదవీ విరమణ చేసిన ఐపీఎస్ అధికారి ఆర్ఎస్ ప్రవీణ్ కుమార్ బీఎస్పీలో చేరబోతున్నారు. నల్గొండ జిల్లాలోని ఎన్జీ కాలేజ్ గ్రౌండ్ లో ఆగస్టు 8న భారీ బహిరంగ సభ ఏర్పాటు చేసి…అక్కడ తెలంగాణ బహుజన సమాజ్ పార్టీ కోఆర్డినేటర్ రాంజీ గౌతం… ప్రవీణ్ కుమార్ కు పార్టీ కండువా కప్పి పార్టీలోకి స్వాగతించనున్నారు. ఇప్పటికే బీఎస్పీ అధినేత్రి మాయావతితో ప్రవీణ్ కుమార్ చర్చలు కూడా జరిపారు. మాయావతి కూడా ప్రవీణ్ కుమార్ ను పార్టీలో చేరాలని కోరినట్లు సమాచారం. ఈమేరకు బీఎస్పీ తెలంగాణ రాష్ట్ర అధ్యక్ష పదవిని ప్రవీణ్ కుమార్ కు ఇచ్చేందుకు మాయావతి సుముఖంగా ఉన్నట్లు తెలుస్తోంది.