మరోసారి ఈటలను టార్గెట్ చేసిన ప్రభుత్వం..?

మాజీ మంత్రి ఈట‌ల రాజేందర్ ఆర్థిక మూలాల‌ను సిఎం కేసీఆర్ టార్గెట్ చేశార‌ని స‌ర్వత్రా విమ‌ర్శలు వ్యక్తం అవుతున్నాయి. ఇప్పటికే ఈట‌ల భార్య పేరుతో ఉన్న జ‌మునా హ్యాచ‌రీస్ భూముల‌పై ద‌ర్యాప్తు కొనసాగుతుండగా… దేవ‌ర‌యంజాల్ భూముల‌ను అక్రమంగా ఆక్రమించార‌ని ఏకంగా ఐఏఎస్ క‌మిటీ ద‌ర్యాప్తు చేప‌ట్టింది.తాజాగా నాంపల్లి ఎగ్జిబిష‌న్ క‌మిటీలో అవ‌క‌త‌వ‌క‌లు జ‌రిగాయ‌ని అవినీతి నిరోధక శాఖ రంగంలోకి దిగింది. నాంప‌ల్లిలోని ఎగ్జిబిష‌న్ కార్యాల‌యంలో సోదాలు చేపట్టింది. ఈ సోసైటీకి కొన్ని రోజుల కింద వ‌ర‌కు మాజీ మంత్రి ఈట‌ల‌నే చైర్మన్ గా ఉన్నాడు. దీంతో ప్రభుత్వం ఆయ‌న్ను ఇబ్బంది పెట్టేందుకే ఏసీబీని రంగంలోకి దించిన‌ట్లు ఈట‌ల వ‌ర్గీయులు భావిస్తున్నారు. హుజురాబాద్ ఉప ఎన్నిక‌కు ముహుర్తం ద‌గ్గర‌ప‌డుతున్న స‌మ‌యంలో… టీఆర్ఎస్ కు ఎదురుదెబ్బ త‌ప్పద‌ని నిఘా వర్గాలు సమాచారం ఇచ్చిన‌ట్లు ప్రచారం జ‌రుగుతుంది. ఈ స‌మ‌యంలో ఈట‌ల టార్గెట్ గానే ఏసీబీని కేసీఆర్ వాడుతున్నార‌న్న అభిప్రాయం వ్యక్తం అవుతోంది.