రేవంత్ కు పీసీసీ-మొక్కు చెల్లించుకున్న సీతక్క

ఎంపీ రేవంత్ రెడ్డికి టీపీసీసీ అద్యక్ష బాధ్యతలు అప్పగించడంతో కాంగ్రెస్ నేతలు, కార్యకర్తలు పెద్ద ఎత్తున సంబరాలు చేసుకుంటున్నారు. రేవంత్ కు పగ్గాలు అప్పజెప్పడంతో తెలంగాణ కాంగ్రెస్ తలరాత మారుతుందని అందరూ విశ్వసిస్తున్నారు. చాలా కాలంగా టీపీసీసీ నియామక ప్రక్రియ ఓ కొలిక్కి వచ్చినట్టే వచ్చి వాయిదా పడుతోంది. రేవంత్ ను ఊరిస్తూ చివరిక్షణంలో వాయిదా పడటం ఆయన అభిమానాలను తీవ్రంగా నిరశాపరిచింది. ఎట్టకేలకు ఆయనకు సారధ్య బాధ్యతలు అప్పగించడంతో పలువురు తమ మొక్కులను చెల్లించుకుంటున్నారు. ఇదిలా ఉంటే, సమ్మక్క సారలమ్మలకు ములుగు ఎమ్మెల్యే సీతక్క తన మొక్కు చెల్లించుకున్నారు. పీసీసీ చీఫ్‌గా రేవంత్ రెడ్డి నియమితులవడం పట్ల సంతోషాన్ని వ్యక్తం చేసిన సీతక్కా… సోమవారం మేడారం వెళ్లి ప్రత్యేక పూజలు నిర్వహించారు. డప్పు చప్పుళ్లతో ఊరేగింపుగా వెళ్లిన సీతక్క… ప్రదక్షణ అనంతరం అమ్మవార్లకు మొక్కు చెల్లించారు.