కరోనాను ప్రారద్రోలాలని ప్రత్యేక పూజలు

శ్రీకాకుళం జిల్లా సారవకోట మండలం కిన్నెరవాడ గ్రామంలొని వీరబ్రహ్మేంద్ర స్వామి దివ్య క్షేత్రంలో స్వామివారికీ ప్రత్యేక పూజలు జరిగాయి. సిద్దయ్య స్వామిజీ వారి ఆధ్వర్యంలో కరోనా నిబంధనలను పాటిస్తూ స్వామివారికీ ప్రత్యేక పూజలు నిర్వహించారు. ఆగమశాస్త్రం ప్రకారం కిల్లం వాస్తవ్యులు బ్రహ్మశ్రీ తమిరి కరుణశ్రీలు స్వామివారికీ ప్రత్యేక పూజలు నిర్వహించారు. కరోనా మహమ్మారిని ప్రారద్రోలాలని వీర బ్రహ్మేంద్ర స్వామివారిని ప్రార్దిస్తూ హోమం నిర్వహించారు. అనంతరం గోపూజ కూడా చేశారు. లోక శాంతి, ప్రజా శాంతి హిందూ ధర్మ పరిరక్షణ కోసం స్వామివారికీ పూజలు చేస్తున్నట్లు చెప్పారు ఆలయ ప్రధాన అర్చకులు కోరపాక సిద్దయ్య స్వామి. ఈ కార్యక్రమంలో కిన్నెరవాడ గ్రామ సర్పంచ్ , మాజీ సర్పంచ్, గ్రామ ప్రజలు భారీగా పాల్గొన్నారు.