మరోసారి 4 లక్షలు దాటిన కరోనా కేసులు

భారత్‌లో కరోనా వైరస్‌ విజృంభిస‍్తోంది. రెండో దశ ఉధృతి కొనసాగుతోంది. మహమ్మారిని కట్టడి చేసేందుకు ఎన్ని ప్రయత్నాలు చేసినా చేతిలో నుంచి ఇసుక జారినట్లు ఒకరి నుంచి మరొకరికి వ్యాపిస్తోంది. దీంతో దేశంలో కొత్త కేసులు మరోసారి నాలుగు లక్షలు దాటాయి. గడిచిన 24 గంటల్లో 4,14,188 కరోనా కేసులు నమోదు కాగా, 3,915 మంది ప్రాణాలు కోల్పోయారు. ఇక ఇప్పటి వరకు దేశంలో 2,14,91,598 మొత్తం కరోనా కేసులు నమోదయ్యాయి. 1,76,12,351 మంది డిశ్చార్జ్ అయ్యారు. 2,34,083 మంది మృతి చెందారు. ఇక దేశంలో ప్రస్తుతం 36,45,164 కరోనా యాక్టివ్‌ కేసులు నమోదయ్యాయి. 24 గంటల్లో ప్రపంచవ్యాప్తంగా నమోదైన కేసుల్లో భారత్‌లోనే 49 శాతం మందికి కరోనా సోకినట్లు కేంద్ర ఆరోగ్యశాఖ అధికారులు చెబుతున్నారు.