‘రౌడీయిజం చెయ్యాలంటే జీపు.. జీపులో పెట్రోలు.. దానిలో రౌడీలు కాదురా.. దమ్ము కావాలి’ అంటున్నారు బర్నింగ్‌స్టార్‌ సంపూర్ణేశ్‌ బాబు. ఆయన ప్రధాన పాత్రలో నటిస్తున్న చిత్రం ‘బజార్‌రౌడి’. వసంత నాగేశ్వరరావు దర్శకత్వం వహిస్తున్నారు. కామెడీ ఎంటర్‌టైనర్‌గా తెరకెక్కుతోన్న ఈ సినిమాలో షాయాజీ షిండే, నాగినీడు కీలకపాత్రలు పోషిస్తున్నారు. తాజాగా ‘బజార్ రౌడి’ టీజర్‌ను చిత్రబృందం షేర్‌ చేసింది. ఆద్యంతం నవ్వులు పూయించేలా సాగిన ఈ టీజర్‌లో సంపూర్ణేశ్‌ బాబు చెప్పిన డైలాగులు ఆకట్టుకునేలా ఉన్నాయి. ప్రస్తుతం చిత్రీకరణ జరుపుకొంటోన్న ఈ సినిమా అతి త్వరలోనే ప్రేక్షకుల ముందుకు రానుంది.
‘హృదయకాలేయం’తో సంపూర్ణేశ్‌బాబు నటుడిగా వెండితెరకు ఎంట్రీ ఇచ్చారు. మొదటి సినిమాతోనే ప్రేక్షకులను అలరించిన ఆయన విభిన్న కథలతో వరుస సినిమాలు చేస్తున్నారు. తనదైన నటనతో ప్రేక్షకులను నవ్విస్తున్నారు
