తాజ్​మహల్​ గదుల్లో ఏముంది..?

తాజ్​మహల్​ చుట్టూ అనేక అద్భుత కథలు ఉన్నాయి. అదే విధంగా.. ప్రపంచంలోని ఏడు వింతల్లో ఒకటైన ఆ అద్భుత కట్టడం చుట్టూ ఎన్నో వివాదాలు ఉన్నాయి. తాజాగా.. అవి మళ్లీ బయటకొచ్చాయి. తాజ్​ మహల్​ కింద ఉన్న గదుల్లో దేవుడి విగ్రహాలు ఉన్నాయని వాదనలు మళ్లీ ఊపందుకున్నాయి. ఇందులో నిజమెంత? ఆర్కియలాజికల్​ సర్వే ఆఫ్​ ఇండియాకు చెందిన అధికారులు ఏమంటున్నారు?

భార్య ముంతాజ్ మ‌ర‌ణానంత‌రం, ఆమె జ్ఞాప‌కార్థం అద్భుత పాల‌రాతి క‌ట్టడంగా తాజ్ మ‌హ‌ల్‌ను మొఘ‌ల్ చ‌క్రవ‌ర్తి షాజ‌హాన్ నిర్మించారు. 1631లో ఈ నిర్మాణం ప్రారంభ‌మై 1653లో పూర్తయింది. అంటే, ఈ అద్భుతం రూపుదిద్దుకోవ‌డానికి దాదాపు 22 ఏళ్ల స‌మ‌యం పట్టింది. తాజ్​ మహల్​చుట్టూ ఎన్నో కథలు అల్లుకుని ఉన్నాయి. తాజ్​ మహల్​ ఉన్న స్థలంలో తొలుత ఓ శివాలయం ఉండేదని ఇప్పటికీ అనేకమంది విశ్వసిస్తూ ఉంటారు. శివాలయాన్ని కూల్చేసి.. తాజ్​ మహల్​ను నిర్మించారని అంటారు. కాగా.. తాజ్​ మహల్​ కింది భాగంలో ప్రత్యేక గదులు ఉన్నాయని, వాటిల్లో హిందూ దేవతల విగ్రహాలు ఉన్నాయని ఊహాగానాలు జోరుగా సాగేవి.తాజాగా.. తాజ్​ మహల్​ వివాదాన్ని మళ్లీ తెరపైకి తీసుకొచ్చారు రాజ్​నీష్​ సింగ్​. తాజ్​ మహల్​లో 22 గదులకు సీల్​ వేసి ఉన్నాయని, వాటిని తెరవాలని అలహాబాద్​ కోర్టులో పిటిషన్​ వేశారు. 22 గదులను తెరిస్తే.. తాజ్​ మహల్​ వాస్తవాలు, నిజాలు బయటపడతాయని వివరించారు. మూసివేసిన గదుల్లో దేవుడి విగ్రహాలు ఉన్నాయని ఎన్నో దశాబ్దాలుగా ప్రచారం సాగుతోంది.ఈ వ్యవహారంపై గురువారం విచారణ చేపట్టిన అలహాబాద్​ కోర్టు.. రాజ్​నీష్​ పిటిషన్​ను కొట్టివేసింది. ‘ఇది కోర్టు బయట జరిగే వ్యవహారం.

దీనిని చరిత్రకారులకే వదిలేయడం మంచిది,’ అని కోర్టు పేర్కొంది.తాజ్​ మహల్​.. ప్రస్తుతం ఏఎస్​ఐ(ఆర్కియలాజికల్​ సర్వే ఆఫ్​ ఇండియా) పరిరక్షణలో ఉంది. తెరపైకి వచ్చిన వివాదంపై తాజాగా ఏఎస్​ఐ అధికారులు స్పందించారు.”తాజ్​ మహల్​లో 22 గదులు లేవు. 100కుపైగా ‘సెల్స్​’​ ఉన్నాయి. వివిధ కారణాలతో వాటిని మూసివేశారు. పిటిషనర్​ చెప్పినట్టు ఇక్కడ ఏం లేదు. ఆ 22 సెల్స్​ కూడా ఎప్పుడూ మూసివేసే ఉండవు. వివిధ పనుల కోసం వాటిని ఇటీవలే తెరిచాము. ఇన్ని దశాబ్దాలుగా మేము రికార్డులను తయారు చేస్తున్నాము. తాజ్​ మహల్​ కింద్​ విగ్రహాలు ఉన్నాయని చెప్పేందుకు ఎక్కడా మాకు ఆధారాలు లభించలేదు,” అని ఏఎస్​ఐ అధికారులు చెప్పారు.

Load More Related Articles
Load More By admin
Load More In తెలంగాణ

Leave a Reply

Your email address will not be published.