కేటీఆర్ ఇలాకలో – తహసీల్దార్ కార్యాలయానికి తాళి కట్టిన మహిళ

ధరణి ద్వారా రెవెన్యూ శాఖలో అవినీతి కనుమరుగు అవుతుందంటూ ప్రభుత్వం గొప్పలు చెప్పుకుంటోంది. కాని క్షేత్రస్థాయిలో పరిస్థితి భిన్నంగా కనిపిస్తోంది. యదేచ్చగా అవినీతి జరుగుతోంది. అవినీతి అధికారులకు లంచాలు ఇవ్వలేక ఓ మహిళ ఏకంగా రెవెన్యూ కార్యాలయానికి పుస్తెల తాడును వేలాదీసి నిరసన వ్యక్తం చేసింది. ఇంతకీ ఎం జరిగిందంటే… రాజన్న సిరిసిల్ల జిల్లా రుద్రంగి మండలం మానాల గ్రామానికి చెందిన పొలాస మంగ భర్త రాజేశం మూడేళ్ళ క్రితం మరణించగానే సర్వే నెంబర్ 130/14 లో గలా 2 ఎకరాల భూమిని వేరే వాళ్ళకి పట్టా చేశారని మంగ ఆరోపించింది. నా భూమి నాకు పట్టా చేయాలంటూ మూడేళ్ళుగా కార్యాలయం చుట్టూ తిరుగుతున్నా పట్టించుకోవడం లేదని ఆమె వాపోయింది. నా భర్తే పోయాడు…ఇక ఈ పుస్తెల తాడు ఉంటె ఎం లాభం అంటూ లంచాలకు చేయి చాపుతోన్న అవినీతి అధికారులకు బుద్ది రావాలని ఎమ్మార్వో కార్యాలయానికి పుస్తెల తాడును వేలాడదీసింది. ఇది ఎక్కడో కాదు.. మంత్రి కేటీఆర్ సొంత నియోజ‌క‌వ‌ర్గంలోనే. అక్కడ అవినీతి ఎంత రాజ్య‌మేలుతుందో ఈ సంఘటన స్వారా అర్థం చేసుకోవ‌చ్చు. ధ‌ర‌ణితో రెవెన్యూలో అవినీతే లేదంటూ గొప్ప‌లు చెప్పుకునే ఈ ప్ర‌భుత్వ పెద్ద‌లు దీనికి ఏం స‌మాధానం చెప్తారో.