ఎన్టీఆర్ ట్రస్ట్ భవనం స్వాధీనం చేసుకుంటారా..?

తెలంగాణలో పథకం ప్రకారం టీడీపీని నిర్వీర్యం చేసిన కేసీఆర్…..మరోసారి ఆ పార్టీ అద్యక్షుడికి షాక్ ఇవ్వనున్నారా..?అంటే అవుననే సమాధానమే వస్తోంది. హైద‌రాబాద్ న‌డిబొడ్డున ఉన్న ఎన్టీఆర్ ట్ర‌స్ట్ భ‌వ‌న్ ను తెలంగాణ స‌ర్కార్ స్వాధీనం చేసుకునే అవ‌కాశాలు కనిపిస్తోన్నాయి. ఎన్టీఆర్ ట్ర‌స్ట్ లో ఆంధ్రపెత్త‌నం ఎక్కువ‌య్యింద‌ని… తెలంగాణ ఉద్యోగుల‌ను వేధిస్తున్నార‌ని సీఎం కేసీఆర్ కు ఎన్టీఆర్ భ‌వ‌న్ లో ప‌నిచేస్తున్న ఉద్యోగులు లేఖ రాశారు. ట్ర‌స్ట్ పేరుతో 30 సంవ‌త్స‌రాలు లీజుకు తీసుకున్న ప్ర‌భుత్వ స్థ‌లాన్ని వాణిజ్య కార్య‌క‌ల‌పాల‌కు వినియోగిస్తున్నార‌ని కేసీఆర్ కు పంపిన లేఖ‌లో పేర్కొన్నారు. లీజును ర‌ద్దు చేయాల‌ని…ట్ర‌స్ట్ లో ఎల్.ర‌మ‌ణ మాటే చెల్లుబాటు కావ‌టం లేద‌ని లేఖ‌లో ఉద్యోగులు ఆరోపించారు. అయితే ఈ లేఖ వెలువడటం వెనక రాజకీయ కోణాలు ఉన్నాయనే అనుమానాలు వ్యక్తం అవుతున్నాయి. ప్రభుత్వ పెద్దలే ఈ తతంగాన్ని నడిపిస్తున్నారనే సందేహాలు కల్గుతున్నాయి.