రేవంత్ ఎఫెక్ట్-కాంగ్రెస్ లోకి మాజీ మంత్రి

తెలంగాణలో టీఆర్ఎస్ కు తామే ప్రత్యామ్నాయమని చెబుతోన్న బీజేపీకి ఎదురుదెబ్బ తగిలింది. ఆ పార్టీలో సీనియ‌ర్ నేత‌గా ఉన్న మాజీ మంత్రి బోడ జ‌నార్ధ‌న్ తిరిగి కాంగ్రెస్ గూటికి చేర‌నున్నట్లు తెలుస్తోంది. ఎన్టీఆర్ హాయంలో కార్మిక శాఖ మంత్రిగా ప‌నిచేసిన బోడ జ‌నార్ధ‌న్… చెన్నూరు నుండి నాలుగుసార్లు ఎమ్మెల్యేగా గెలిచారు. రేవంత్ రెడ్డితో క‌లిసి టీడీపీ నుండి కాంగ్రెస్ లో చేరిన ఆయన…. ఉత్త‌మ్ కుమార్ రెడ్డి కార‌ణంగా అసంతృప్తితో బీజేపీలో చేరారు. అయితే, పెద్ద‌ప‌ల్లి జిల్లా బీజేపీలో అంత‌ర్గ‌త కుమ్ములాట‌లు పెరిగిపోయాయి. ఈ నేపథ్యంలోనే బోడ జనార్ధన్ పార్టీ మారేందుకు రెడీ అయిన‌ట్లు తెలుస్తోంది. రెండు, మూడు రోజుల్లో బోడ జ‌నార్ధ‌న్ పీసీసీ ప్రెసిడెంట్ రేవంత్ రెడ్డి స‌మ‌క్షంలో కాంగ్రెస్ కండువా క‌ప్పుకోనున్నట్లు సమాచారం.