Breaking : తెలంగాణలో స్కూల్స్ ఓపెనింగ్ కి బ్రేక్

తెలంగాణ‌లో పాఠశాలలను ఓపెన్ చేస్తూ ప్ర‌భుత్వం తీసుకున్న నిర్ణ‌యాన్ని సీఎం కేసీఆర్ వాయిదా వేసుకున్నారు. పాఠ‌శాల‌ల ఓపెన్ పై పీఆర్టీయూ నేత‌లు సీఎం కేసీఆర్ ను క‌లిసి… స్కూల్స్ ఓపెనింగ్ వాయిదా వేయాల‌ని కోర‌గా, సీఎం కేసీఆర్ అందుకు అనుగుణంగా నిర్ణ‌యం తీసుకున్నారు. రోజుకు స‌గం మంది ఉపాధ్యాయులే పాఠ‌శాల‌ల‌కు హ‌జ‌ర‌య్యేందుకు కేసీఆర్ ఒప్పుకున్నార‌ని, జులై 1 నుండి కేవ‌లం 9,10వ త‌ర‌గ‌తి విద్యార్థుల‌కే ఆన్ లైన్ లో క్లాసులు మొద‌ల‌వుతాయ‌ని కేసీఆర్ హామీ ఇచ్చిన‌ట్లు పీఆర్టీయూ నేత‌లు ప్ర‌క‌టించారు. ఇక టీచ‌ర్ల ప్ర‌మోష‌న్లు, బ‌దిలీలు కూడా చేప‌ట్టాల‌ని కోరగా… అందుకు కేసీఆర్ స‌మ్మ‌తి తెలియ‌జేశార‌ని, ఏ ప్రాతిపాదిక‌న బ‌దిలీలుండాల‌న్న అంశంపై త్వ‌ర‌లో నిర్ణ‌యం తీసుకుంటామ‌ని కేసీఆర్ ఉపాధ్యాయ సంఘాల‌కు హామీ ఇచ్చారు.