ఏపీలో కర్ఫ్యూ ఎత్తివేత..?

ఏపీలో మధ్యాహ్నం నుంచి అమలు అవుతున్న కర్ఫ్యూను ఎత్తివేయాలని ప్రభుత్వం నిర్ణయం తీసుకోనుందా..? ఈమేరకు జగన్ సర్కార్ కసరత్తు చేస్తోందా..?అంటే అవుననే అంటున్నాయి ప్రభుత్వ వర్గాలు. ఏపీలో రెండు నెలల నుంచి కర్ఫ్యూ అమలు అవుతోంది. దాదాపు రెండున్నర నెలలుగా రాష్ట్రంలో పగటిపూట కర్ఫ్యూ అమలుకాగా.. ప్రస్తుతం ఉదయం ఆరు గంటల నుంచి సాయంత్రం 6 గంటల వరకు కర్ఫ్యూ నుంచి సడలింపు ఇచ్చింది ప్రభుత్వం. దీంతో చాలా వరకు కేసుల సంఖ్య తగ్గుముఖం పట్టడంతో కర్ఫ్యూను ఎత్తివేయాలని ప్రభుత్వం భావిస్తున్నట్టు తెలుస్తోంది. ఈ నెల 30వ తేదీ నాటికీ కేసుల సంఖ్య మరింత తగ్గుముఖం పట్టే అవకాశం ఉండటంతో… ఇక రాష్ట్రంలో అమలు అవుతున్న కర్ఫ్యూను ఎత్తివేయాలని ప్రభుత్వం సూత్రప్రాయంగా నిశ్చయించినట్లు సమాచారం. పొరుగు రాష్ట్రమైన తెలంగాణలో ఆన్ లాక్ అమలు అవుతోంది. దీంతో ఏపీలో కర్ఫ్యూను ఎత్తివేయడమే ఉత్తమమని… మరికొన్నాళ్లు కర్ఫ్యూను కొనసాగిస్తే ఆర్ధిక పరిస్థితి మరింత దిగజారుతుందని ప్రభుత్వం భావిస్తున్నట్టు తెలుస్తోంది. ఈనెల 30తరువాత ఏపీ మంత్రివర్గం సమావేశం కాబోతుందని..ఈ సమావేశంలో కర్ఫ్యూపై చర్చించి తుది నిర్ణయం తీసుకోనున్నారు.