కాంగ్రెస్ పార్టీ కీలక నేత రాహుల్ గాంధీ కరోనా వైరస్ బారిన పడ్డారు. తనకు స్వ‌ల్పంగా కరోనా ల‌క్ష‌ణాలు ఉన్న‌ట్లు రాహుల్ త‌న ట్విట్ట‌ర్‌లో తెలిపారు. కోవిడ్ ప‌రీక్ష చేయించుకుంటే పాజిటివ్‌గా వ‌చ్చిన‌ట్లు తెలిపారు. త‌న‌తో ఇటీవ‌ల కాంటాక్ట్‌లో ఉన్న వాళ్లు అంతా కోవిడ్ ప్రోటోకాల్ ప్ర‌కారం ప‌రీక్ష‌లు చేయించుకోవాల‌ని రాహుల్ కోరారు. అంద‌రూ సుర‌క్షితంగా ఉండాల‌ని ఆయ‌న ఆశాభావం వ్య‌క్తం చేశారు. ఇటీవ‌ల అసెంబ్లీ ఎన్నిక‌లు జ‌రిగిన ఐదు రాష్ట్రాల్లో ఆయ‌న ప్ర‌చారంలో పాల్గొన్నారు. అయితే బెంగాల్‌లో జ‌ర‌గాల్సిన చివ‌రి మూడు ద‌శ‌ల ఎన్నిక‌ల ప్ర‌చారం నుంచి త‌ప్పుకుంటున్న‌ట్లు కూడా ఆయ‌న వెల్లడించిన సంగతి తెలిసిందే.
