తెలంగాణలో షర్మిల పార్టీ సక్సెస్ కాదని కాంగ్రెస్ సీనియర్ నేత వి.హనుమంతరావు జోస్యం చెప్పారు. విజయమ్మ రాయలసీమ రాజ్యం రావాలనుకుంటున్నారని, అందుకే ఏపీలో కొడుకును, తెలంగాణలో షర్మిలను ఉండాలని ప్రయత్నాలు చేస్తున్నారన్నారు. వైఎస్ రాజశేఖర్ రెడ్డి, జగన్ లు కూడా కాంగ్రెస్ నుంచి వచ్చిన వారేనని వారు గుర్తించాలని, ఇక్కడ ప్రశ్నించడానికి తామున్నామన్నారు. తెలంగాణ ఉద్యమంలో విద్యార్థులు ఆత్మహత్య చేసుకున్నప్పుడు షర్మిల ఎక్కడున్నారని వీహెచ్ ప్రశ్నించారు. తాను నిర్వహించే సభల్లో వైఎస్, జగన్ ల గురించి ఆమె ఎందుకు మాట్లాడడం లేదని ప్రశ్నించారు. షర్మిల పార్టీ తెలంగాణలో నిలబడలేదని వీహెచ్ తెలిపారు.
